Skryfformaat: Dialoog

Die dialoog is 'n gesprek tussen twee of meer deelnemers. 

• Indien die skryfopdrag vereis dat daar slegs twee deelnemers moet wees, weerhou jou daarvan om 'n derde spreker in te voeg. 
• Maak dit vir die leser maklik om tussen karakters te onderskei deur hul woordkeuses, aanspreekvorme en dialekte bietjie te laat verskil.
• ONTHOU: Die hoofdoel van dialoog is karakteropenbaring - Die leser leer ken 'n karakter deur dit wat hy/sy te sê het in 'n spesifieke situasie.

1. Laat 'n reël oop tussen spreekbeurte.
2. Plaas die name onder mekaar. 
3. Blok die dialoog onder mekaar.
4. Plaas neweteks (emosie-aanwysings of handelinge) tussen hakies.
5. Weerhou jou daarvan om te min dialoog en te veel neweteks te skryf - die fokus is op gesproke woord.